domingo, 24 de febrero de 2008

A Biola de Cazorla




Ya fa muitos meses dende la zaguera begada que charré d’o reino bechetal. Puestar que siga que as plantas, en parixer sers inferiors, no remanen tanto en a nuestra recordanza como os animals. Manimenos a botánica ye una zienzia apasionant con a que puetz pasar un buen inte leyindo una guía botanica, indo t’o campo ta beyer y esferenziar espezies, fer un erbario y mesmo ta bel enfortunau ganar-se a vida.

A zaguera begada que en charré estió d’o jopillo, pensando en bella espezie d’a redolaza de Gallocanta por demanda de un colega que ye d’astí. Ista begada m’en baixaré un poquet más, dic’o Sistema Betico an abita una chicorrona planteta clamada Biola de Cazorla, d’a que he d’almitir que no’n sabeba garra dica que o mio buen amigo Chabi m’en charró en una d’as nuestras largas charradas de natura. Alabetz me parixió que yera una espezie dinna d’estar nombrada en iste blog. Fa duelo que por istas tierras nuestras no bi’n aiga.

A Biola de Cazorla, Viola cazorlensis ye una planta perenne de bels 10 zm d’altaria, con fuellas lineares u lanzeolatas de color berda escura. Con tallos florals de bels 20zm y flors hermafroditas con 5 petalos rosaus-biolazeos y de diferent amplaria. As flors poseyen un pedunculo rosau de dica 6 zm. A florazión ye dende abril dica chunio.
Ista planta comenzipia a crexer en comenzipiar a primabera y os fruitos se desembolican mientres mayo y chunio y a diseminazión d’a simién ye en chunio y chulio. O suyo fruto ye una capsula y as simiens son marrons claros de 2,5 mm.
Os exemplars que abitan chunto a atras espezies gosan tener una millor reproduzión ya que no son minchadas tanto por os animals y o feito de estar más grans les premite produzir más flors, fruitos y simiéns.
A mayoría d’as plantas no se reproduzen todas as añadas. O suyo neutar ye acabalau en a estrimera d’o largo espolón an que només puede plegar un inseuto, exautament una quera diurna, o Macroglossum stellatarum.

HABITAT
Ista espezie bechetal ye endemica d’a peninsula iberica, només se troba en o Parque Natural de Cazorla, Segura y Las Villas en Chaén, encara que tamién se troba en a Sierra de Mágina y más escasa en a Sierra de Castril en Granada, Sierra d’Alcaraz en Albazete y Mojantes en Murzia. Gosa bibir entre cantals u en o solero rodiada d’atos exemplars u atras especies.

PROTEUZIÓN
A curto plazo no bi ha garra enchaquia de trestuque ta la suya superbibenzia, encara que podría disparixer en os puestos an que ye esposada a l’auzión de mamifers erbiboros y a l’alticamada d’o suyo habitat.
Catalogada como espezie en periglo d’extinzión por a Chunta d’Andaluzía, nafrable por a Chunta de Castiella La Mancha, a UICN (Chunión mundial ta la natura) y por a Rechión de Murzia.

7 comentarios:

Javi dijo...

Muchas gracias Alberto por haber elegido la especie. Aunque no entienda ná de lo que has puesto, decirte que es una joya botánica, de las más emblemáticas de Andalucía.

Asimismo espero que algún día no muy lejano podamos hacer una buena ruta por el Parque Natural de Cazorla, Segura y Las Villas para así poder fotografiarla como se merece.

¡Saludos desde Sevilla!

Alberto dijo...

Hombre Javi, después de toda la tabarra que llevabas con la viola, al final tenía que poner algo. Alguna vez hablaré de otras especies de por ahí....será del Pinsapo....será de la Mona de Gibraltar............Lo dejo en puntos suspensivos. Será una sorpresa....

Carlos dijo...

Muitas grazias Alberto por escribir en o mio blog, y por dar-me animos.Has de saber que de cabo ta cuan tamien foi una güelladeta a lo tuyo blog, pues me parix prou intresan y aprendo cosas que me fan onra cara l'esbenidero jejeje
Cudiate muito.
Aspero beyer-te luego u pasate bel miercols por l'Asoziazión y charramos encara que sia una miquina.
A plantar fuerte campión!

Onset dijo...

Qué webs puez recomendar sobre biolochía, botanica... En he trobato una interesán parellana a la wikipedia (ye en inglés y franzés). A plantar fuerte.

Alberto dijo...

Ye que webs de biolochía no'n conoix guaire. Només goso mirar-me-ne en o google u en os links d'atras webs.
Puestar que as que más goyo m'aigan feito son as que tiengo en os links. Bi'n a sobre biolo´chía, fotografía d'a natura, ecolochía...
Encara que atras como www.biologia.org tamién me cuacan.
¿Cuál ye ixa web que has trobada?

Ya m'en dirás. Baiga bueno

Onset dijo...

Bueno, son dos webs:www.eol.org/ y http://www.gbif.es/. A primer web ye una iniziatiba prou angluziosa. Aspero que te faigan onra. A plantar fuerte.

ABRAHAM LÓPEZ MORENO dijo...

Te felicito por este post desde "Panorámica Cazorlense". Un saludo.