sábado, 1 de noviembre de 2008

O linze boreal torna t'os Perineus.


Güe tos traigo una muit buena notizia que salió en os meyos fa una semana. Ye a reintroduczión d’o linze boreal u europeo (Lynx lynx) en os Perineus. Iste felino bibirá en cautibidat en unas instalazións en Les Planes de Son, manimenos puestar que a suyas criyetas puedan vivir en libertat.

Fa bels meses charré sobre atro d’os nuestros linzes, o linze iberico. Istas dos espezies bibirían chuntas en o ecosistema pirenenco dica que en disparixión. As prenzipals esferenzias son que o linze boreal ye más gran, bibe más que más en bosques y que caza animals más grans como cuerzos, chizars, encara que tamién caze coniellos, zorzes,etc. Iste feito puestar que siga interesant t’a suya reintroducción ya que en estar en a capeza d’a pirámide alimentizia fa presión sobre atros carniboros fendo que atras poblazións d’atras especies creixcan.

Ista espezie se puede trobar en o continent europeo y asiático manimenos ye sufrindo un proceso de extinzión en europa occidental encara que siga abondant en Rusia y Siberia.

Bi ha bellas subespezies como o Lynx lynx lynx que abita dende Noruega dica Siberia o Lynx lynx carpathicus que orichinalment abitaría dende Reino chuniu dico Mar negro, o Lynx lynx wrangeli que abita en Kamtchatka, Siberia oriental, Mongolia y Manchuria, representa o 80% d’os exemplars de linze boreal, etc.

Ista notizia amaneix dimpués d'a enrestida de un onso en a Bal d’Arán, que aspero que no siga un impediment t’a reintroduczión d’espezies autoctonas dispareixidas sino una buena excusa ta charrar-ne y poder plegar en un acuerdo.

¡Caldrá amanar-se-ie ta beyer-los! ¿Qué tos pareix?

4 comentarios:

Chabier Lozano dijo...

Se no acomete a las güellas u a's betiechos e va acotolando chabalins talment no se veiga tant mal.Pero con tot e con ixo la chent ye muit reacia a que se reintroduzcan animals.

Lucía dijo...

ufff, yo primero me miraria d´estabilizar as poblazions d´onsos, que d´atra man ye una espezie q aqui nunca no ha plegau a disaparixer d´o tot, pero los linzes son una espezie que fa muitismo que s´extinguio en os Pireneus y l´ecosistema ya s´ha feito-ie a bibir sin els...no se si ye buena ideya...de todas trazas si lo fan aspero que lo faigan bien!que se miren o impacto q supondria en l´ecosistema (xq desplazaria á las chinetas en gran mida y a atros felinos,y podría lebar a l´extinzion a atras espezies)...
ye qu´istos gobiernos de güe son muit "pro-introduczions" pero de camin se tornan "pro-cazataires"

bueno, por l´inte caldrá ir t´a Cuniacha ta beyer-los...

Anónimo dijo...

Trobada de Fabloggers te combida a participar n'o suyo concurso de microfalordias. Anemate a nimbiar-nos a tuya falordieta, o ganador puedes estar tu.

http://trobada.blogdns.net

trobadafabloggers@gmail.com

Unknown dijo...

PRESENTACIÓN UNIBERSITAIRES POR L´ARAGONÉS

DIA 12 DE NOVIEMBRE DE 2008

AULA 501 EDIFICIO INTERFACULTADES 16.55 HORAS