Qué poliu ye de biachar y de conoixer nuebos paisaches, nuebos lugars, nuebas chents... Biachar encara que siga mientres un diya y no muit luen, siempre bi ha bel puesto a escubrir. Y lo digo yo que cuasi no he biachau (¡qué sorna!) A begadas a manca de tiempo u de diners u mesmo a preza de dixar a monotonía fa que preferamos rimaner en casa.
Ista semana soi iu a un puesto una mica luen d'a casa mía, soi iu a Pandicosa, en o más recondito d'os Perineus, practicament esconoixius ta yo (Si cuasi ese plegau antis en Toledo que no en ixe lugaret!!) . He de dezir que mai no i yera puyau dic'alabez y a berdat que me ha feito asabelo goyo tanto Pandicosa como os arredols. O contraste d'a calor que i feba (iba en chambreta) y a nieu que encara i eba en as tucas d'as montañas y mesmo en as carreras, yera prou curioso. A botanica y a cheolochía d'a redolada son asabelas interesants. O contraste d'os pins berdes con a nieu blanca d'as montañas y o chelo d'os ibons, fa a delizias d'os freaks que estudeamos a mai Tierra(Encara que me ese feito más goyo de beyer os caxicos berdes, pero ye berdat que en tornar-se-ne ya no habrá ni gota de nieu, lastima).
Aquí tos dixo dos fotos d'o ibón (chelau) de Pandicosa, aon se troba ixe famoso balneario De 5 estrelas aon se queda incomunicada a chent por as abalanchas (a yo no me fazió o morro cló) As fotos no son tan polidas como as de Felqueral, pero a yo me fan goyo y con ixo ya bi'n ha prou.
5 comentarios:
Pandicosa ye un puesto perfeuto ta remaner incomunicau por bel tiempo. Beigo que tu querenzia por os lugars con balneario ye tan gran que no a mia. Tamien a mi me fa goyo ixe ambien "demode" termal. Creigo que ye bueno ta o cuerpo y ta lo espirito.
Baiga bueno
Ye un puesto muit poliu y a berdat que ya me fería goyo de quedar-me-ie bel par de diyas (encara que no pas en l'otel, prou que no) Bueno, no ye que me cuaquen os balnearios, no más que me ha tocau bibir-ne rodiau. No ye que me faigan guaire goyo.
Ya abe anyos que no i voi (recuerdo una semana santa en O Pueyo de Chaca que no fayó so que nevar en 5 días), e no sé cómo habrán deixato el balneario con las obras, cuento que de pena.
Gracias per el que dices de las mías fotos, pero el primer que ha a quedar contento con las fotos ye el fotografo, a's de demés se les fa goyo millor, pero el primer tú. Salut.
uhhh fuera!!!biescas ye millor!!
jaja, ye broma, pandicosa ye un lugar asabelo poliu, xo una ha d´esfender o suyo.
si tornas a ir-ie abisa-me que te feré ruta toristica!
mos beyemos ista semana!
Buenas Felquera. Pues a yo o balneario (a zona) me pareixió bien, nomás i estié una ora, no sé como estaría antis. Pero bueno, ye un puesto poliu.
Pues Culibilla, no me lo tornes a dezir que puyo ascape! Jejeje. Ta yo ixos puestos son esconoixius y me cuacaría conoixer-los bien. Pienso que pronto i tornaré.
Un saludo a totz.
Publicar un comentario