miércoles, 12 de agosto de 2009

Plegan as Perseidas



Como totz os años, en plegar istos diyas d’estiu tenemos a oportunidat d’alufrar uno d’os espectaclos naturals que más marabiella. Son as Perseidas u glarimas de Sant Lorién.Encara que a suya existenzia tienga una explicazión zientifica puesto que son repuis d’a coda d’un meteorito que en plegar en a atmosfera se creman produzindo a suya incandeszenzia, o ser umano contina beyendo-lo con güellos inozents, creyando un ambiente machico a o suyo arredol.

No ye a millor plebia pero en ye d’as millors y a más alufrada debiu a o buen orache d’o estiu y que a chent ye de bacanzas, manimenos ista añada ye especial ya que as boiras ban a dixar beyer-las en cuasi totz os puestos amás que a luna en estar cuasi nueba permitirá una escuridat que fera onra.
Ta beyer millor as perseidas cal mirar entre as constelazions de Perseo y Casiopea(N-NE, alto u baixo, Casiopea se distingue prou bien perque tien forma de W) ya que o suyo punto radiante(d’aon aparixen) se i troba.

3 comentarios:

Onset dijo...

A yo no me bagó de beyer-las. Pero ye de dar que merex a pena. Caldrá esperar.
Por o que comentábanos en o mío blog, prou que ixe de Mularroya será un d'os que dimpués dirá, por exemplo, que cal separar o que reziclamos si no estricallamos o meyo ambién. O problema ye que se repite tot: qué pasará con os onsos cuan nomás en quede un: a clonar tamién?

felquera dijo...

Yo salié ayer a veyer se podebe fer-ne fotos. En dos horas que i estié en viyé una docena, pero denguna pasó per an que yere enfocando ixe inte (cambié cuantas veces d'orientación). P'altro anyo el intentaré, talment m'haya a llevar el tuyo mapa, perque yo de constelacions no sé res.

Alberto dijo...

Pues onset, as estrellas y as constelazions yeran uno d'os miso hobbies de chicot, y lo deixé, y agora pareix que torno a interesar-me-ne. He tornau a sacar os mios libros de constelazions y a pasar un buen rato de nueits chitau a o raso prebando de beyer as constelazions.

Felquera, si ye que ha de estar muit difizil ixo de pillar una estrella con a camara....a yo me resultaria imposible. Ya sabes t'aon has d'enfocar o prosimo año

Mersi a os dos!