sábado, 19 de marzo de 2011

Tornando



Dimpués de muitos meses d'hivernación, sin ganas d'escribir, he creyiu que caleva fer sinyals de vida. He estau bells meses con brenca ganas de fer cosa, os desamens, os trevallos, embolics y más embolics. Sincusatz-me os que gosatz de cabo ta qand fer una uelladeta a o mío blog, pero soi humano y por lo tanto imperfecto.

Istos días de buen orage, me fa asabelo goyo de nueitz de devantar l'ambiesta a l'atra metat, a la superior aon as estrelas son siempre uellando-nos encara que muitas vegadas as boiras no nos dixen comprobar-lo.
Ue a luna ye más graniza y más brillant que no pas mai. Junto a ista os dos míos astros preferius son Sirio, ixa estrela que brilla más que no pas atra y que dica meya nueit se dixa viyer ent'o sur y tamién as Pleyades, una colla de estreletas muit chicorronas pero que manimenos en juntar-se fan un collar de estrelas entre Orión y Tauro.
Viyer o firmamento me plena de paz y tranquilidat. Tos convido a que compartatz ista experiencia. Astí alto no bi ha problemas, no bi ha miedo a o esdevenir, ye tot un mar de tranquilidat.

2 comentarios:

Joan de Peiroton dijo...

Bien tornau! I grazias por ista pàgina celestal plena d'estelas! Doncas, paz i tranquilidat! :) Saludos!!!

Alberto dijo...

Muitas gracias Joan ta tu por leyer-me.
Salut!