sábado, 14 de julio de 2012

Tornando a fer huellos


¡Hola a totz!  Dimpués de tantos meses sin dar sinyals de vida, creigo que amenistatz una explicación.
Dende o zaguer setiembre marché a vivir ta Belchica per bells meses, nueu exactament, en un lugar clamau Gante, polida ciudat de chent freda, pero plena de lugars increyibles y con tot y con ixo con muita chent de tot o mundo dispuesta a estar conoixida . Una oportunidat ta conoixer nuevos puestos, diferents chents de totz u cuasi totz os puestos d'o mundo. Una oportunidat ta aprender de tot, dende conoixer-se más a uno mesmo dica catar as más que buenizas bieras que mai no'n heva prevadas. Y tot isto con l'excusa d'estudear cheolochía ( feva tiempo que no escribiva ista parola y qué fiera que ye con CH, ¿ta quand podré escribir-la "geología" asinas con G, como cal?) Cheolochía en un país incrediblement plan como ye o norte de Belchica.... Un puesto aón una loma de 5 metros d'altaria ye una montanya, asinas que prexinatz os uellos de caparra que fan istos belgas en viyer Os Perineus.

En istos meses he aprendíu muitas cosas, entre atras que as chents somos en orichen o mesmo, charraremos atras lenguas, tendremos atras culturas, manimenos totz tenemos os mesmos alazetz , totz prebamos de fer parti d'a sociedat, totz queremos estar bien con os nuestros vecins. O feito de no entender-se no quier decir que sigamos diferents y que no podamos prebar de comunicar-nos.

A vegadas as mugas no son que una traza d'esfender-se d'o miedo d'o esconoixiu, d'as chents que son de l'atro costau, si se conoixe a ixa atra chent te das cuenta que as mugas no calen, por ixo creigo que ta ixos que esfienden fronteras u quieres creyar-las les recomendaría viachar una mica y que salgan d'a suya cueva.

Con tot y con ixo, a cosa que más clara tiengo dimpués d'istos meses ye que quiero vivir en a mía tierra, rai o paro, os cazurros de boina enrosacada y os politicos cacicones, como diría la cerda ista d'a Fabra, "¡Que se jodan!", yo aquí me quiero quedar, que tot puede cambeyar y totz hemos de fer-lo chuntos.

Con istas parolas tos quereva animar a que si podetz, viachetz u vivatz dinfuera por bell tiempo. No se sabe lo que se tien dica que se'n ye luen. Dica que no conoixes a chent d'atros puestos no se sabe qui yes y dica que no conoixes atras tierras no sabes como en ye a tuya.

¡Torno a fer huellos dende tierras ibericas! Aspero que tendré suficient inspiración ta escribir y ta que tos faiga goyo.

5 comentarios:

Chesus dijo...

M'ha feito a-saber-lo goyo de leyer-te Alberto y soi d'alcuerdo con tu. Pero sabes? a yo tamien me cuacaría muitismo que Aragón tenese as suyas mugas; ta poder crebar-las.

Alberto dijo...

Buenas Chesús. Gracias por o tuyo comentario. Pero ¿ta qué quiers una cosa que vas a crevar?

Y crevando a mugas con yo en tornarán, como diz a canta.

Chesus dijo...

Puet-estar que ta poder crevar una cosa que sienta mia.
Si ta esfender a mia identidat cal recreyar viellas mugas... Una utopia... pero tamién ye verdat que enguan ye una utopía crevar-las. O no?
Acotraziar a casa nuestra, que dimpués ya miraremos ta fer-lo difuera. :)

nunsash dijo...

Hola! me gusta tu blog lo leo a veces pero no se en que idioma escribes...( es un idioma proximo al español porque lo entiendo perfecto)
disculpa mi ignorancia me lo podrias decir :) gracias

Alberto dijo...

Chesús, entendiu, cadagún tenemos as nuestras mugas.

Hola nunsash, me alegra bastante que te pases de vez en cuando por mi blog. ¡Espero escribir más!
Escribo en un idioma llamado aragonés, que se habla en el norte de España, exactamente en una pequeña parte, desgraciadamente, de la región de Aragón. Al tener una historia casi idéntica al castellano se parecen tanto. En internet tienes muchísima información. ¡Gracias por tu comentario!