O que goso fer en obrir bel periodico ye mirar-me o primer a seuzión de redoladas, nomás ta beyer si bi aparix bella cosa d’o mio lugar (cosa que nomás ocurre una begada cada 100 añadas). Ayere estió uno d’ixos diyas en a que o nombre de Alfama d’Aragón aparix entre as fuellas. Pero en habiendo leyiu o titular ya beyé que no yera garra bueno. Un cantal de bellas güeito toneladas y cuasi dos metros d’altaria s’eba cayiu a o lugar dend’a montaña. Ya prexinaretz a cara de boniato que se me quedó en beyer en a foto que semejante mazacote yera a bels metros d’o almazén an alzo, entre muitos atros afers, o mío auto. Menos mal que se quedó astí posadet en o canto d’una paret, asinas prebocador, como si querese tornar a cayer (tienen ixa manía as piedras)
Ye un cantal de salagón prozedent d’o Cretazico superior (-100 a 50 millons d’añadas), estió meteorizau más que más por l’aczión de l’augua, esleyindo-lo. Iste feito chunto a la plebia d’ista semana fazió que o cantal s’eslurtase baixando a ripa ent’o lugar. Istos cantals gosan modificar-se en contautar con l’augua. U bien se esleyen creyando fenomenos karsticos (estalactitas, estalagmitas, espelungas, etc) U bien se da “l’efeuto de falca” en o que l’auga se fica entre as crepas d’a roca y en chelar-se aumenta o suyo volumen crebando-la.
Puyando por a ripa se pueden beyer as esferras que a roca fazió en baixar, arbols rancaus, trozes d’o cantal que se crebón por o camín, muros esbodegraus…
Isto no ye un feito aislau, dende cutio muitos cantals han cayiu sobre casas, garaches, parideras, lebando-se tot o que pillaban por o camín. Amás si puyamos por a ripa se puede beyer que bi ha cantals sueltos mesmo d’una amplaria mayor que a d’iste zaguer.
>Ta prebar de solucionar-lo fa zinco u seis añadas se instaló un sistema de retes metalicos ta pribar y amortir a cayida. Manimenos no se fazió en totz os puestos. Asinas que dende Fendo huellos yo y Blufi queremos dar una estirada de barbas y bigotes (os 4 pels que le restan) a os maximos responsables d’iste treballo a meyo rematar.
4 comentarios:
Vaya piedra miarma, si llega a ser de hachís tenéis fiesta en la Comarca hasta el año 2020 jaja.
Estreno en tu blog nombre y foto del perfil Alberto.
Un abrazo desde Sevilla!!
Aspero que se te aiga pasau o susto y que sias bien, cuento que si.
Un articlo prou cheolochico si siñor, amostra bien o que yes estudeando, encara que yo tamien se prou d'istos afers eee...jajaja
Cudiate Alberto, y a beyer si ye bi amanas bel diya
Qué pasa miarma! Con semejante piedra la de cosicas que se harían, eh! X favor, duende del sur....duendes, piedras, sur, piedras que vienen del sur...aiai Javi, me asustas.
Buenas Carlos!! Me alegro de que tornes t'o rete, Ya lebabas meses sin nobedatz de Luesia.
Bueno, iste articlo no ye que siga muit zientifico, jejejeje, pero bueno, ya en tien trazas. Más interesant pareix o tuyo proyeuto, ya m'en contarás cómo va tot.
Un abrazo mozet, ya nos beyeremos bel diya.
¡Alberto no actualices tanto la cabecera y muéstranos nuevas e interesantes entradas!
Por cierto pásate, cuando puedas, por mi blog a recoger un merecido premio.
Saludos!!
Publicar un comentario