domingo, 5 de agosto de 2007

Si tos pregunto que relazión bi ha entre istos exemplos de fauna y flora ibericas:

“linze, clunchigüesos, edelweis, onso”

De seguro que toz ez pensau o mesmo. Que son espezies menazadas u en periglo d’estinzión.
Pero si tos digo:

“tremonzillo sanchuanero, melanopsis penchinati, crujiente, aloda de Dupont”

Direz que nunca no los ebaz ascuitau. ¡mesmo belún no tien nombre común!
Pues istos cuatro zaguers nombres caldría ficar-los tamién en a mesma lista que os primeros ya que, encara que cuasi denguno no los conoxca, son tamién espezies catalogadas como menazadas u en periglo d’estinzión.

En a nuestra cheografía iberica bi ha asabelas espezies esconoxidas que son en a mesma situazión. Asinas que aprobeitaré ta comenzipiar iste blog escribindo un poquet sobre istas espezies, más que más comentando o suyo estau en a nuestra tierra, Aragón, ya que seguntes sigamos en una comunidat u un atra, as espezies, as suyas poblazións y distribuzión, desembolique, y mesmo as suyas leis de proteuzión u aprobeitamiento cambean.

2 comentarios:

charrabís dijo...

Me fa mui contento que te dezidas a prenzipiar iste nuebo blog. Sin duda, sobre un tema que toca a l'aragonés de zerca: o periglo d'extinzión y o desconoiximiento d'os mesmo aragonesas. Espero que, encara con parolas costosas, contines ta debán y faigamos con as tuyas notizias ixos 'huellos' (que por zierto, bonita grafía mediebal -u no pas tanto-) que anunzian o títol d'o blog.

Sin duda, ye una epoca ista d'extinzions: con as 3.000 luengas indichenas que ya se prebeye que desapareixcan en istos años, con a posible extinzión masiba por ixe calentamiento global de tantas espezies, con a zaguera extinzión d'ixe delfín tan curioso que han dito güe as notizias, con a chen d'os lugars aragoneses, que luego en farán parte, u con milenta cosas más que no sé por qué s'han d'extinguir...

O progueso ye cambio, eboluzión, no pas 'borrón y cuenta nueva'. Faigamos una plataforma contra cualsiquier mena d'extinzión!!! :)

Espero que dimpués d'iste discurtet t'enfrontines con más rasmia a la blogosfera en aragonés y reclames a tuya importanzia como tamién indibiduo en periglo d'extinzión, pues cuentan que por aquellas tierras que fan güega con Castiella pocos en hi hai como tú.

Un saludo mui gran.

Alberto dijo...

Muitas grazias charrabis, iste ye o primer comentario d'o mio blog :):):) me ha feito asabelo goyo. Tot un detalle.
Si que fa duelo o que has dito, o d'as extinzions, tanto de sers bibos como de luangas, (más bien culturas que leban ligadas ixas luangas)
Jajaja. Atra cosa. Ixo d'a güega me pareix refitolero porque pareix que dezaga ixa "güega" bi ha no sé, dragons, chen que anda de puntacabeza y asabelas bestias.
Pero la berdat que ta nusatros no esiste ixa güega o muga. Os lugars y a chen ye como nusatros.

Bueno, grazias atra begada Charrabis, y ya sabes que " biste-me amonico que tiengo prisa" (¿se diz asinas?) ;)