jueves, 8 de noviembre de 2007

L'agüerro

Ya fa bellas semanas que comenzipió a dixar-se sentir l'agüerro (cada añada o fa más tardi )
Ye agora, cuan as fuellas amariellas aplenan os camíns, cuan o zielo enmudexe y os fogarils se enzienden dixando por as carreras una ulor a zenisa y corduño que me fa remerar atros tiempos.

Asti baixo toz dixo bellas fotos que he feito (no pas totas son de yo)
Ya sé que no son guaire buenas, pero ta estar afizionau ya bi'n ha prou.
Si no tos cuaca mosica punchaz en o simbolito d'o altaboz. Ye que no sé que he feito que me ha saliu mosica sin querer! No sé si a busatros tos sale.

Que baiga bueno!

3 comentarios:

Charrabís dijo...

unas fotos tremendas, mui bien feitas y prou que encantadoras. M'han feito muito goyo... no sabeba que tamién fueses fotógrafo d'a natura, asinas que una cosa más que nos has d'amostrar en iste blog!

Me cuentan que as grudas ya son más que a poblazión de teruel! hahaha. Y tamién que os turistas que las puyan a beyer no saben comportar-se y se meten por zonas prohibidas y puestos reserbaus como de paso bedau. Qué animaloz!

En fin, que mui bien con as fotos y o sistema ta fer-las apareixer en o blog. qué moderno! a veyer si atros en aprendemos.

Alberto dijo...

¿Pero ya son plegadas? Jo, y yo que lebo mes y meyo asperando beyer-las pasar!!
Y bueno, os turistas....que boi a dezir-te....iste ye o problema d'o turismo de natura. Bellas begadas istas cosas te fan pensar si puestar que estase millor que bels puestos estasen esconoxius, porque a opzión de ameliorar l'amostranza ambiental, jeje, cal que cambeen muitas cosas, porque a chen que pior se comporta ye ixa que menos en quier saber. (Te parixera rarizo que yo diga isto dimpués d'haber escrito sobre l'amostranza ambiental!)
Tamién cal dezir que os puestos biedaus son os millors :)) :)) Iste chuebes estié en os Galachos de Juslibol y si i quiers beyer garra bicho mete-te per o bosque dic'o Ebro. Si no, no'n beyerás garra. Ixo si, respetando tot!! ( no cal dezir-lo)
Por zierto, ya me cuacaría estar un buen fotografo d'a natura! Yo nomás sé fer serbir a mia cámara. De luzes, posizions etc no'n se garra.

Bueno Charrabis, me ha cuacau tornar a saber de ti! Baiga bueno

Mela dijo...

polidas las fòtos!