martes, 11 de diciembre de 2007

Y dimpués d'a expo... ...Qué?


Ayere, diya 10 tenié l’argüello d’estar una d’as no güaires presonas que asistión a una charrada sobre os efeutos meyoambientals d’a Egspo, que se fazió en a biblioteca María Moliner, en a Unibersidat de Zaragoza. He dito que teneba l’argüello d’estar una d’as poca presonas que bi estión perque gracias a la gran espardidura que s’en fazió, tot o mundo lo sabeba (Dimpués me dizen que malfurrio o mio tiempo leyendo os cartels que punchan en as parez…)
Javier Martínez Gil (Catedratico de Idrocheolochía d’a UZ), Antonio Casas (Profesor de Cheolochía d’a UZ) Néstor Giménez ( d’Ebronautas) Francisco Comín (d’o instituto pirenaico d’ecolochía) y José Luis Martínez (d’Ecolochistas en acción) nos amostrón bellas posibles repercusións y problemas que l’espo ZH2S tiene, más que más en o meyo ambién, encara que se charró tamién una mica de problemas economicos que l’espo carria d’os cuales no boi a escribir ya que amás de que en son muitos, como a economía no ye o mío no puedo charrar-ne con güaire seguridat. (Encara que no cal estar economista ta beyer que os pres son ya puyando cual torre de l’augua…)
Se tratón problemas como a manca de rigor en os proyeutos meyoambientals que se fazión, a cheolochía de Zaragoza y os suyos innumerables foraus (que coninarán aparixiendo, aiga un bosque, zemento o una canal d’auguas brabas), o problema de fer-lo ao costau d’o Ebro y os problemas d’infiltrazións d’auguas que carriará. A ideya d’as barcas que funcionan con luz solar (Qué ironía, con a enerchía que se fera serbir en a iluminazión d’a torre de l’augua, en a canal d’auguas brabras y en fabricar moñacos de flufi ...) Toz sabemos que poco esdebenir tien ixa ideya y que, como pasó en Salamanca con un caso parexiu, ixas barcas se ferían serbir al fin como prostíbulos flotans.
Ya nos caldría a toz tener un celebro cretico con tot o que nos rodia, que tiengamos unas ideyas propias y que no sigamos como güellas menadas por un pastor que nomás nos quiere cada 4 añadas y dimpués au. Como bien se dizió en a charrada d’ayere, cuan no bi ha berdaders argumens ta esfender una ideya como ista, se fan serbir iste lenguache perbertiu que fabla por nusatros con parolas como “tot siga por o progreso, perque o progreso ye o progreso” …
Expo Zaragoza 2008, l’expo de l’augua y d’o desembolique amparable. Mientras nusatros somos gastando millons d’euros estricallán l’Ebro, belatros se michan os morgallos. Tot siga por o progreso

3 comentarios:

Anónimo dijo...

Nino, ya beigo que yes prou actibo en a bida de charradas y estudios d'a unibersidat! a beyer si tamién amaneixer por beluna d el'aragonés u que? que tamién i hai cosas por que luitar.

Aii a Expo... una pena que as cosas nunca se faigan tan bien como se debería. En reyalidat, sí que ye una zona complicada ecolochicament y cheolochica, asinas que sabe Dios o que abrán feito por astí.
Pero o pior, o temas d'os foraus. A beyer si en amaneixe uno baixo casa mía!!! No me digas ixas cosas!!!

En fin, buena nueit!

Alberto dijo...

Hola Charrabis!!!

Ya sé que no goso escribir güaire, pero os comentarios me fan asabelo goyo y me cuaca responder a toz! Pero bueno,cal fer un poder encara que no faiga güaire pachas con o mío teclau!

O problema mio ( y creigo que o de cuasi toz ) ye que no sé cuan se fan as charradas en aragonés!! Si lo diziesen en garra puesto, prou que b'iria si podiés!
Ya me informarás tú, d'as charradas y d'istos cursez d'os que te charré......

Bueno, Charrabis. Que pases un goyoso Nadal (si te cuacan istan fiestas, sino, que descanses )

Unknown dijo...

Tos queremos combidar a la Borina de Cabo d'año en o ZSA"A Enrestida", que bi será alto o baxo dende la 1 d'a maitnada y bi abrá buena mosica, rifas y muitas sorpresas mas. A dentrada ye de baldes. Tos asperamos!

Os queremos invitar a la fiesta de Nochevieja en el Z.S.A. "A Enrestida", que sera a partir de la 1 de la madrugada y habrá buena musica, rifas y muchas sorpresas. La entrada es gratix. Os esperamos.

http://img89.imageshack.us/img89/9812/finko0.jpg