Maitín se zilebra en o lugar de Mara a Vulcanalia. Una fiesta d’orichen roman, pero que en ista tierra pilla atro sentiu, pues fa 22 sieglos os romans estión redotaus por as tropas zeltiberas en a ziudat bela de Secheda en ixe mesmo diya.Dende fa ya güeito añadas se remera iste feito con una fiesta con recreyazión istorica en iste lugar, Mara. Amás o diya 30 se zilebrará o diya de puertas ubiertas en que se podrá besitar a ziudat con as suyas nobedatz.
Cal dezir que iste estiu ha dixau un granizo trobo, pues una plataforma que se trobó en os arredols de Secheda en o año 2004 pareix que seguntes zaguers estudeos en iste estiu han determinau que ixa plataforma estaría o primer santuario zeltibero y zelta d’a Peninsula iberica. Estió construyida con forma romboidal y de traza que una d’as suyas bisectrizes ye orientada ent’o mon de l’Atalaya, puesto per an s’amaga o sol en o solstizio d’estiu. Os zeltibers, como totz os zeltas beneraban a la luna y a o sol y por ello zilebraban os solstizios y os equinozios, as nueits más larga y más curta, entre atras fiestas zilebraban o Lugnasadh, a fiesta d’a cullida en onor a o dios Lug, o dios d’o sol.
Ta saber-ne más: http://www.segeda.net/
1 comentario:
Grazias por o tuyo comentario. Beigo que te cuaca o zeltibero. A yo, también. Y, atra cosa, me'n cuaca muito o tuyo blogue, asinas que en i metíu un enlaze en sagardiana, y creigo que en faré muitismas besitas a "fendo huellos". Quén baiga bueno y a plantar fuerte. Salú.
Publicar un comentario